Այս աշխարհի չհրավիրված հյուրերի ստեղծած անարդարությունների ու դավաճանությունների հետևանքով ծնված, քչերին տեսանելի տաղտկալի ու նողկալի իրակունությունը ողջունում է ինձ ամեն առավոտ՝ արևի պայծառ ու անկրկնելի շողերի ներքո: Անհասկանալի ու խառը նախադասությամբ եմ ուզում սկսել մի թեմա, որն ինքնին անհասկանալի ու առավել ևս ոչ պարզ նկարագրություն ունի:
- Դե եսիմ էկել ենք տենանք ինչա էղել ստե, որ սենց հավքվել են:
Կներեք թեմայից շեղվելու համար:
Շարունակելով 2013 թվականի նախագահական ընտրությունների թեման, փորձենք հասկանալ, թե ովքեր կարող են առաջադրել իրենց թեկնածությունը գալիք ընտրություններում: Առանց որևէ կասկածի, առաջիններից մեկը դա Հայաստանի հանրապետության գործող նախագահ Սերժ Ազատի Սարգսյանն է: Առանց կասկածի եմ ասում, որովհետև վերջերս իմ կասկածները հաստատեց ՀՀԿ խոսնակ, ՀՀ ԱԺ փոխնախագահ Էդուարդ Շարմազանովը, ով Արմնյուզ հեռուստատեսությանը տված հարցազրույցում ասաց.
- ՀՀԿ-ն հաստատ ունենալու ա թեկնածու առաջիկա նախագահական ընտրություններում, և այդ թեկնածուն ՀՀ գործող նախագահ Սերժ Սարգսյանն է, որը ֆավորիտն է, և կարծում եմ բոլոր մնացած թեկնածուները ովքեր, որ կառաջադրեն իրանց թեկնածությունները կհասկանան, որ պայքարելու են պատվավոր երկրորդ տեղի համար:
Կարծում եմ այս խոսքերից հետո այլևս հարկ չկա կասկածելու և հանգիստ կարող ենք ասել, որ թեկնածուներից մեկը Սերժ Սարգսյանն է: Հաջորդ քաղաքական գործիչը Ժառանգություն կուսակցության առաջնորդ Րաֆֆի Հովհաննիսյանն է, ով իր հոկտեմբերի մեկին տված մամուլի ասուլիսում ասաց, որ դեռ հստակ չգիտի կդնի իր թեկնածությունը, թե ոչ: Ինչպես նշվեց, պատվավոր երկրորդ տեղի համար պայքարող քաղաքական գործիչները դեռ կբարձրաձայնեն իրենց որոշման մասին, իսկ մինչ այդ իրադարձությունը հասկանանք, թե ինչ է փոխվել մեր երկրում նախորդ նախագահական ընտրություններից հետո: Չի փոխվել այն, որ չեն բացահայտվել մարտի 1-ի դեպքերը... կներեք ես պետք է ասեի, թե ինչ է փոխվել:
- Այս շուտով հինգ տարիների ընթացքում ընդունվեց օրենք, ըստ որի ԱԺ պատգամավորները չպետք է զբաղվեն բիզնեսով: Ի դեպ հենց այդ օրենքի ընդունումից հետո պարզ դարձավ, որ ՀՀԿ անդամ ԱԺ պատգամավոր Սամվել Ալեքսանյանի կնոջը, հենց այդ օրենքի ընդունումից հետո, պատկանող ՞Ալեքս Գրիգ՞ ՍՊԸ-ն, ՞Մոկոնատ՞ ՍՊԸ-ի, ՞Մուշ՞ ՍՊԸ-ի, ՞Արմեն և Համիկ եղբայրներ՞ ՍՊԸ-ի, ՞ՈՒնիվերսամ Ավան՞ ՍՊԸ-ի և ՞ՍՍՄ Սեր Գրուպ՞ ՍՊԸ-ի հետ միասին Հնդկաստանից Հայաստան են ներկրել 5820 տոննա գոմեշի միս, որը դեռ պարզ չէ, թե ինչ ճանապարհով է իրացվել (այս ամենն ուղղակի, որ իմանաք, ինչպես տուժեց Սամվել Ալեքսանյանի կինը այդ օրենքի ընդունման պատճառով):
- Նվազագույն աշխատավարձը բարձրացավ 2500 դրամով:
- Վաճառվեց ԱԳՆ շենքը, հյուրանոց դառնալու նպատակով:
- Պարզվեց, որ Սամվել Ալեքսանյանը ոմանց համար աստված է Մալաթիա-Սեբաստիա համայնքում:
- Մի շարք ոչ կարևոր ու բան չփոխող իրադարձություններ:
- ԱԺ-ի որոշմամբ ԱԺ-ի համար գնվեցին 131 հատ նոր նոթբուքեր, որովհետև, ինչպես ասաց ՀՀԿ անդամ Գալուստ Սահակյանը.
- Հների էկրանները մեծ էին դեմներս չէր երևում:
Ինչպես տեսնում ու զգում ենք շոշափելի փոփոխությունները շատ չեն: Երևի դա նրանից է, որ մենք դեռ նոր, մի քսան տարի է, որ անկախ ենք ու դեռ ժամանակ է անհրաժեշտ կայունանալու և զարգանալու համար: Իսկ ինչ վերաբերում է այն թեմային, ինչից ծնվեցին մնացյալ բոլոր թեմաներն այս հոդվածում, կասեմ, որ... ուֆֆֆֆֆֆֆ դե Գալուստ Սահակյանը նենց բան ասեց, որ էլ ասելս էլ չի գալիս: Սպասենք նոր իրադարձությունների:
Հեղինակ՝ Արթ Հով:
Комментариев нет:
Отправить комментарий